My people, e be like say Bale dey select match wey him go play for Madrid now.

As people check Real Madrid squad wey go jam Manchester City dis night wey Gareth Bale name no dey there, Madrid coachie, oga Zinedine Zidane don come outside dey shalaye say, Nna na Bale talk say him no wan play today match o. Walai talai I been put him name for the squad. When I tell am say I put him name for squad naim the bros strong face like fufu tell me say make I remove the name osiso. Say him no wan play da match. In fact I no sure say da guy interested to play any other match for Madrid again. And when player don talk say him no wan play for match, shay make I tie am rope for neck drag am like nama from Madrid to Manchester? No na. Na coach I be, I no be Fulani herdsmen. So as Bale say him no wan play, das why I die the matter kuku remove him name from the squad.

My people, e be like say Bale dey select match wey him go play for Madrid now. Abeg how una see dis matter between Bale and Real Madrid?